Karakia

I tēnei ata kua tae mai taku rahi o roto o Ngatikahu, otirā, o ngā iwi i tēnei rā. Kei te īnoi atu kia whakawātea mai Te Whare, kia tukuna atu i tētahi kupu kōrero ki te wāhi ngaro, kia tau mai ngā manaakitanga ki runga i a tātau i tēnei rā.

[This morning the greater number of me, of Ngatikahu but at the same time of the iwi, have arrived here today. I seek leave to allow the House to express a word of tribute to the unseen place, so that acts of kindness, generosity, goodwill, and respect settle upon us on this day.]

💬 Mr DEPUTY SPEAKER: Āe.

Kia ora tātau kei taku rahi, he paku īnoi ki te wāhi ngaro kia tau mai ngā manaakitanga ki runga i a koutou, i a tātau i te roanga o tēnei rā. Kua haramai koutou mō tētahi kaupapa, me pērā ka tika. Nō reira, me pēnei rawa te korero: “Tuia i runga, tuia i raro, tuia i roto, tuia i waho. Tuia i te here tangata, ka rongo Te Pō, ka rongo Te Ao. Tuia i te muka tangata i takea mai i Hawaiki nui, i Hawaiki roa, Hawaiki pāmamao, te hono i wairua ki te whai ao, ki te ao mārama Koia rā e Rongo whakairia ki runga, tūturu o-whiti whakamaua kia tina! Tina! Hui ē! Tāiki ē!”

E kui mā, e koro mā, e tama mā, e hine mā i Te Pō, whakapiri mai, whakatata mai i tēnei ata, i te roanga o tēnei rā. Whakarongo mai ki ngā kōrero ka puta i roto i tēnei Whare, he whakatau i te āhuatanga o ngā mamaetanga kua rangona nei e tēnei o ngā iwi o Ngatikahu, otirā, ngā iwi kua tae mai ki roto i te pakitara o tēnei Whare i tēnei rā. Nā koutou anō rā mātau i ārahi i roto i ngā kōrero ka puta i tēnei rā, i runga i te āhuatanga o te tika, o te pono, o te māramatanga, kia mahea ake ngā taumahatanga kei runga i tēnā, i tēnā, kia puta i Te Whare kia mōhio tonu atu kua rongo ngā taringa i te āhuatanga o te kōrero. Ēhara i te mea mā te kōrero anake e ea ai ngā mamaetanga, karekau! Engari, nā runga i te āhuatanga o te noho tahi, o te wānanga i ngā kaupapa, tērā pea ka whakamāmā, ka whakangāwari te āhuatanga o ngā taumahatanga kua roa e kawe haerehia ana e tēnā, e tēnā, e tēnā.

Ko mātau ēnei i tuku atu i ngā whakamoemiti ki a koutou katoa mō ngā manaakitanga kua utaina ki runga i a mātau i ngā rā kua hipa ake, ka mutu, ka rere ngā whakaaro ki a rātau kei roto i ngā hōhipera, e tāmia ana rānei e tētahi mamaetanga, e tētahi pōuritanga, kia piki ai te kaha, te ora, te māramatanga ki runga i a rātau! Ka mutu ko te hunga kua tae mai i tēnei rā kua tae mai i runga i te āhuatanga o te rangimārie. Ko te hiahia kia kitea mai ai tētahi huarahi hei whāinga mā ngā uri whakatipu. Mā tēnei rā rātau e whakamātautau i roto i ngā āhuatanga o te wā, engari, kia puta, kia puta, kia puta rātau ki te whai ao, ki te ao mārama. “Koia rā e Rongo, whakairia ki runga, tūturu ōwhiti whakamaua kia tina! Tina! Hui ē! Tāiki ē!” Kia ora tātau e Te Whare.

[Salutations to us, my majority, and a small prayer to the unseen place so that acts of kindness and suchlike settle upon you and us for the rest of this day. You have arrived here in regard to a policy, and it is right that you do that. So the saying should go like this: “Unite above, below, within, without. Unite in the brotherhood of mankind, the night and day hears. Unite the descent lines that originated from the great Hawaiki, the long Hawaiki, and from Hawaiki far away, to join with the spirit to emerge into the light of day and world of light. It is that indeed Rongo, hang it up above permanently, affirm it! It is! Secure it! Draw it together! It is indeed, it is secure!”

To you, the elderly women and menfolk, the young ones, male and female, in the void, draw closer and nearer this morning and for the rest of today. Listen to the contributions that will emerge from this House to determine the circumstance of the pains felt by this one of the iwi of Ngatikahu, but, at the same time, by the iwi that arrived here within the walls of this House today. It was you once again who led us in the talks that will emerge today on the nature of the appropriateness, truth, and enlightenment to clear away the difficulties upon that individual and that one that would come out of the House to ensure that the aspect of the talk has been heard. It is not as if that talk alone will satisfy the pains, not at all! But on the basis of the circumstance in regard to the reconciliation and discussion of the proposals, perhaps the aspect of the disadvantages borne by that individual, that individual and that one for a long time will be mollified and eased.

We, these here, are the ones who expressed our appreciation to you all about the acts of kindness that were placed on us in days gone by, and, furthermore, thoughts fly out to those in hospitals overcome by an injury or depression; may the energy, life, and insight build up within them! Furthermore, those who have arrived here today have done so in a manner of good harmony. The desire is that a procedure will be found for coming descendants to pursue. This day will test them in regard to aspects of the moment, but they indeed will get out into the light of day and world of light. “It is that indeed Rongo, hang it up above permanently, affirm it! It is! Secure it! Draw it together! It is indeed, it is secure!” Cheers to us, the House.]