Karakia

Tēnā koe Mr Assistant Speaker, tēnā tātau katoa. I ngā rā pēnei i tēnei i ngā marama, i ngā tau kua hipa, kua puta te whakaaro i te mea kua tae mai ngā Māori o Te Motu, ngā iwi o Te Motu, ki runga o Te Whare Pāremata, kua puta te tikanga kia tīmata tō tātou rā i roto i te āhuatanga o te karakia.

I tēnei wā kai te īnoi atu ki Te Whare kia whakaae atu tātau ki tērā āhuatanga, te tikanga ia kia waiho ake mā tēnei o tātau mā Peeni Henare tērā e tuku, tētahi kupu kōrero ēngari, he īnoi anō hoki kia whakatakoto i tēnei momo tikanga i mua i te aroaro o Te Business Committee, hei tikanga mō ake nei, kia kore ai tātau e hoki mai ki te whaiwhai haere i tēnei tikanga ā te wā, nō reira, i tēnei wā, mō tēnei ata, he īnoi ki Te Whare, kia waiho ake mā Peeni Henare tō tātau karakia e tuku, kia whakatau i te āhuatanga o te nohotahi ki roto i tō tātau Whare.

[Thank you, Mr Assistant Speaker, and acknowledgments to us all. In days like this one in past months and years a view has emerged when Māori, when Māori tribes of the land, descend upon Parliament, and the practice has emerged that our day should commence with a prayer.

At this point I seek the leave of the House that we agree for that to take place, essentially that we allow Peeni Henare, this member amongst us, to perform and utter that prayer or words on our behalf. Furthermore, I seek leave also that this kind of protocol be placed before the Business Committee as a procedure to be adopted as part of the Standing Orders, so that we would not have to seek leave in future, but at this time and for this morning, I seek leave of the House to allow Peeni Henare to give our prayer to put us at ease as we sit as one in our House.]

Yes, that is fine—Peeni Henare.

Ā, kia ora anō tātau: “ko te amorangi ki mua, ko te hāpai ō ki muri”. Kua tonoa mai māku nei tō tātou karakia i te ata nei, kia īnoi tātou let us pray. E Te Atua, tēnei mātau āu pononga e tuku whakawhetai, e tuku īnoi atu nei ki a Koe i tēnei wā, kia toro mai tō ringa manaaki, to ringa atawhai ki runga i a mātau e koropiko atu nei, kia tau tonu mai tō wairua ki roto i ngā mahi kei mua i te aroaro o Te Whare Pāremata.

E Pā, tiakina mai mātau e tutuki ana i ngā mahi ki tāu hiahia ki runga i te mata o te whenua, kia toro mai tō wairua, kia toro mai tō mana, tō kaha ki roto i ngā mahi kei mua i te aroaro, kia tiakina anō e Koe te hunga kei te kāinga i tēnei wā. Ka whai whakaaro mātau tēnei Whare i a rātau e noho pani ana, e noho rawakore ana, e noho herehere ana i tēnei wā. E īnoi atu nei ki a Koe kia hōmai i tō kaha me tō māramatanga ki runga i a mātau katoa e īnoi atu nei. Ko ēnei īnoi katoa ka tāpae atu ki a koe i runga i te ingoa ō tāu Tama, tō mātau Kaiwhakaora a Ihu Karaiti, āmine.

[And so acknowledgments to us once again: “the leader is in the fore and the worker is at the back”. The request has come for me to conduct this service of ours this morning, so let us pray. Here we are, oh Lord, your servants, offering thanks and prayers to you at this moment in time. Extend your protective and caring hand upon us as we bow before you so that your spirit alights upon the work that is before Parliament.

Protect us oh Father as we fulfil tasks according to Your wishes upon the face of the earth, so that Your spirit, influence, and strength extends into the tasks before us and so that You also take care of the ones back home at this time. We of this House think about the bereaved, the impoverished, and the ones in prisons at this moment. We pray that You give us Your strength and enlightenment upon us all praying here. We place these prayers before You in the name of Thy Son, our Redeemer, Jesus Christ. Amen.]